حبيبي لا حبيب إلا حبيبي خاتم الأحباب
أشوفه خامس الأربع جهات وثامن اعجوبه
من يقول المحبة للحبيب الأولي كذاب
علاقاتي مع احبابي ذنوب وحبه التوبة

تمر اسماء غيره مالها موقع من الإعراب
ويمر إسمه سحابه في جفاف الروح مسكوبه
أحبه كثر ما مر السما دعوة من المحراب
وأحبه كثر ما طالت على المتردد دروبه

وأحبه كثر ما كان العدو واحد من الأقراب
وأحبه كثر ما يقسى على المحبوب محبوبه

وأحبه كثر ما تقفل بوجه الكادحين أبواب
وأحبه كثر ما كف الكريم تفتش جيوبه
وأحبه كثر ما مات الضمير وعاشت الألقاب
وأحبه كثر ما شفنا حقايق صارت إكذوبه

احبه حب لو تطري تفاصيله على الكتاب
يخلي كل قصة حبيبي في التاريخ مشطوبه