ابتدأ العمر الجديد
عمر فارس قصتي
يا مساء عبدالمجيد
يا مساي وفرحتي

ما كبر قلبي وحيد
ما خلقت بوحدتي
جيت ويديني بإيد
تواؤمي في دنيتي

ليلتك عبدالمجيد
هي دعاي وليلتي
وإنته مقبل من بعيد
لك أطير بخطوتي

لا ضحك وجهك سعيد
انعكاس لضحكتي
أبتسم ثاني و عيد
بسمتك يا بسمتي

لولو يا الخلق الحميد
قال هذي منيتي
قالها عبدالمجيد
سنة الله وسنتي

يا ولد سلوى القصيد
ما يوصل فرحتي
يا عسى عمرك مديد
ويقبل الله دعوتي