أحيان أحس إني الوحيد بحياتك
وأحيان أحس إنك خلي مالك أحباب
يا ما شعرت إني معك مثل ذاتك
وياما لمست إنك من الحب مرتاب

حيرتني وشلون بفهم صفاتك
ترجي وصالي يوم وأيام فغياب
أجيك تدفعني لشوفك غلاتك
وأروح عنك شايل الجرح منصاب

إنت القريب وكيف هذي سواتك
فيني عليك من الغلا لوم وعتاب
ما بي أكون بوقت من ذكرياتك
بعد المحبة ما أبي نرجع أغراب

الله لو طبعك يشابه حلاتك
الله لو فعلك فعل سود الأهداب
إني لأحقق لك جميع أمنياتك
وأهديك كل الحب يا كل الأحباب