ينصف المجروح

من ينصف المجروح من جور الأيام
من يوقف بوجه الليال الطويلة
ومن يجبر كسور الأماني والأحلام
ومن ياخذ بيد النفوس الأصيلة

ومن يمسح بيده على روس الأيتام
ومن ياخذ حقوق القلوب العليلة
ومن حطّم إحساس المشاعر ومن نام
وخلا دموع العين تذرف هميلة

الله حسيبه يوم ترفع الأقلام
وكلٍ يشوف اللي جنى وش حصيله
قدام يا من تظلم الخلق قدام
في ساعة الكل تسمع عويله

ياخذ حقوق الخلق من كل ظلام
ويجازي الظالم بنار ومليله
سبحان من لا ناموا الخلق ما نام
يسمع لمن يدعيه ومن يلتجي له

الشكوى لله ما كتب ربي أحلام
ومن لا نصف مجروح ما هو خليله
نامي على جرح الليالي والا قام
اقري عليه الحمد في كل ليله