في دنيتك غصباً عن الكل ببقى
الموت أهون من حياتي بدونك
خايف علي من قسوة الوقت أشقى
ما فيه أقسى من مفارقة عيونك

قالوا لك العذال غيري بتلقى
ياما وياما حاولوا يخدعونك
أبيك عن بعض السواليف ترقى
لا تعطي فرصة للبشر يأخذونك

تحس عيني في فراقك بحرقى
هونك علي يا أغلى هالناس هونك
حتى السما في غيبتك ماهي زرقا
غيرتني وغيرت كل شي دونك

عيني على طاري تلاقيك غرقى
ياللي حواسي كلها يفقدونك
السالفة ما هي حبايب وفرقى
يمكن أموت أصلاً بليا عيونك