بعد ما ضاعت أيامي وضاع الوقت في حبّك
لقيتك في هوا غيري مصادف دربك دروبه
بعد ما قلت لك آمر وأنا كلي تحت أمرك
تسابق قلبك عيونك يا نبض القلب ملعوبة

أنا أشوفك وأنا عندك وحتى لو ماني عندك
أنا ما يفوتني طاريك وحتى لو ماني صوبه
أنا ما ادور الزلة ولاني جاي لك ضدك
ولكن كيف أنا ارضى أكون لقلبك لعوبة

غلطت إن كانك تفكر جمالك جرني قربك
أنا طبعي يحب الشخص إذا ناسبني أسلوبه
أبيك تراجع أفكارك وش اللي ادوره منك
وش اللي لو رحل يخلي الدنيا مقلوبة

أنا ما شفت لك حاجة بعد ماصرت أنا جنبك
ولا قدمت لي حاجة قبل لا أحبك أغزوا به
يجيلك يوم به تندم يرد ويذبحك ذنبك
وأنا بيعيشني غيرك يرد لي القلب متعوبة