لا تعدون الليالي ياكسيرين الجناح
أسمعوا شور الي ياما ذا الليالي عدها
كل ليلة بالسعادة عيشها لين الصباح
مسها بخير النكاده وحبها في خدها

من كسرني من ظلمني منهو سبة هالجراح
منهو كل أحلام عمري في ثواني هدها
لا تدور للإجابة وعدها ماضي وراح
لا توقف للعواصف وإنت منت بقدها

اللي عايش يومه رايق هذا ريح وأستراح
عكس من عاند ظروفه وأبتلش في عندها
ابتسم للضيق يضحك فاجئ الهم بسماح
لا تقفي للسعادة الا خذها بيدها

لا تدور للمتاهة وإنت قدامك براح
تكفى لا تعطي العواذل كل شي ودها
لو يطيح الدمع فرحة يا حلاته لين طاح
البلا إن طاحت دموعك ضيق ومحد ردها