شفتك اليوم
شفتك اليوم في منامي من بعد فرقاك
زارني طيفك سألته وينك أستناك
ما عطا قلبي إجابه ما حكالي شيء
واختفى فوق السحابة في البعيد هناك
كيف أبتناسى وجودك وأعتبر ما صار
وأجمل أيام في حياتي عشتها وياك
ما وقف عمري ولكن إيش أسوي فيك
مالها معنى حياتي كلها لولاك
يا كثر ما أجي مكانك من بعد ما رحت
يمكن أستوعب رحيلك لمّا ما ألقاك
يمكن أتعود غيابك والجروح تروح
كلها ممكن ولكن مستحيل أنساك