يأذيني الحنين اللي يجي بعد الفراق المر
وماني قادر أتأقلم وأتعايش مع عمري

سجين الذكريات وحالتي يا للأسف ماتسر
ولو حاولت أتناسى أحس بنغزة في صدري

أنا أضحك وأقول بخير وأدري ما وصلت البر
أنا غرقان في حبك ودمعاتي وماحد يدري

أبي ترجع وما ترجع يجر الشوق فيني جر
ما بين الشوق والدمعة طواري ما أبي تطري

جسد باقي بليا روح وأحبك بالعلن والسر
على خبرك نعم ببقى وأبي تبقى على خبري

عسى مرتاح ومتهني وأنا فعلا عسى ما شر
وأدري مستحيل أنسى والله العظيم أدري