لا تستر الليل والقمرة على السهران
خل السهارى تموت شوي وتحيا بك
ليلٍ طويل يداعب طرفك النعسان
معذور ذاك الحرير اللي تلوى بك

جمرك رماده عسل يا سيد الخلان
من عشت في روضتك وأنا أتغنى بك
عطيتني الورد يا المحبوب والريحان
وصرت لي سيدٍ أقرأ من كتابك

علمتني الحب كيف ألعب في هالميدان
علمتني كيف أشوف الصبح لي جابك
الأرض يا صاحبي والسقف والجدران
أستانست لك وكل البيت هلا بك

خلك هنيا ترى حنا غدينا إخوان
اللي تبي يا صلك وإنته على بابك
مضيفك لين شافك همل الضيفان
والله ما لي حياةٍ زينه إلا بك