تبي تتركني اتركني تأكد إني ما حزعل
ولا اسأل وش تفاصيل البعاد وطوله ونوعه

ولكن قول أنا ماشي ترى بعض الوداع أجمل
من هروب الحبيب اللي ترك له ناس موجوعة

إذا حبّي ما يعني لك أكيد إن الفراق أفضل
وإذا عيني بتبكي لك أكيد العين مخدوعة

وإذا إنت اللي بتتركني ولا أحد جابرك ترحل
حرام أضايق وأشقى على اللي رايح بطوعه

أنا ما أقول لك بنسى ولكن مستحيل أسأل
بحبس أصغر أنفاسي لو الهمسات مسموعة

أنا بتذكر أيامك ولا أنسى حبّي الأول
بتبقى صورتك عندي في وسط الروح مطبوعة

حبيبي لو بترجع لي وتعطيني العذر بقبل
أبغفر للحبيب اللي غياب أحبابه يلوعه

ومهما طول غيابك بتبقى رحمتي أطول
تأكد في شرع قلبي لك الأقلام مرفوعة