إن بغيت المحبة قلت هذي فداك
وإن بغيت المفارق قلت مالك لوا
أجرح القلب كان الجرح يقطع ضماك
لا تحاتي حلاه الحب جرح ودوا

إيه أشوفك ولكن كيف أبوصل مداك
وإنت قطعة سحاب مقتفيها الهوا
ودي أجزيك عمري وإنت جاني جزاك
ألف شكراً على طول السهر والنوا

بين طول الغياب وبين وافر غلاك
غصن شوق على جال المحاني ذوا
أجذب الحبل لمواصلك وإلا لقاك
لين حبل المودة فالعروق التلوا

في مناحل ثغرك وسرمدية مساك
قبله الموت ما أدري جنة اللي غوى
يا تجيني هنيا يا أجي لك هناك
انطوى العمر واللي بيننا ما انطوى