يا نور سود الليالي
إنت بعيوني مجره
ليت الليالي طوالي
دام بدجا الليل دره

والقلب طربان سالي
ما فيه شيٍ يحره
يا ليت حبل الوصالي
ما ينقطع عنك مرة

الوصف فوق الخيالي
فوق السحايب مقره
ثقل ودلال وجمالي
يالله عسى لا تضره

أشغلت فكري وبالي
وأشعلت فالقلب حره
أرخصتلك كل غالي
والكون لك عشر ذرة

حتى لو إنك قبالي
لشواق لك مستمرة
إنت الأمل والمنى لي
وإنت الفرح والمسرة

وإن رحت يا وجد حالي
فرقاك يا زين مرة
يا نور سود اليالي
إنت بعيوني مجره