لا لا تحاول لو تكرمت مابيك
من عاقل يحكي ولا هو بطايش
قد كان عصفور الغلا بين أياديك
حرمته الغصن الخضر والحشايش

لا تنفجع وتصد قول قول وشفيك
مستغربٍ إنك للحين عايش

حلفت لك بالله إني لخليك
مع نفسك تسولف وكل الدرايش
من أول قالوا ترى الحي يحييك
وحبك سوات الموت جاب النعايش

آخر كلامي لك وتشكر مساعيك
شكراً جزيلاً يا زمان التعايش
إرحل تغير وضعي ما عاد يرضيك
وخلك ما بين مرايتك والدرايش