لا واهنيك داله يا سعود
تمشي وقلبك دايم سالي

ما لاعك اللي لاعني يا سعود
ولا جرى لك ما تهيالي

ما صوبك راعي العيون السود
ولا شكيت مفارق الغالي

أسهر وكل العالمين أرقود
ودموع عيني تهمل أهمالي

اللي نبيه ما عاد به ماجود
يا سعود هذا منزله خالي

ما هو بقصده يوم راح أصدود
لا شك هذي دبرت الوالي

يا الله عسى هاك الزمان يعود
وترجع ليالي ضايق البالي

بس أتحرى يومه الماعود
حالي قضى ما عاد به حالي