يا ربوعي باح سدي ومكنوني
طحت لكن يا هلي طحت متعلي
لا تلوموني لا سجيت عن كوني
والله أني داله في هوى خلي

ما غدا مسراي وأنتم تدلوني
القمر وضاح والنجم متجلي
حدثوني عن سواليف مظنوني
كان تبغون انتبه واستمع كلي

ألمحه من وين ما لدت عيوني
وأبتسم في كل الأوقات وأهلي
الوكاد اللي قطع كامل ظنوني
والصدوق اللي قطفني على حلي

إن بغيت أوصفه حال الزمن دوني
يا كثر زينه وش آخذ وش اخلي
بري حالي كلما ناوش متوني
وتل قلبي كل ما طالها تلي