وين الذي كل ما ارتخى الحبل شده
لو حزز يدينه على شان ما اطيح
بعض الخلايق غيبته مستبده
ياخذ معه باب السعه والمفاتيح

بنيت له قصر من الشوق قده
فيه الوله يملا الغرف والمصابيح
حلفت مابه من يسد بمسده
الفرض يفرق عن صلاة التراويح

والهم بعده لو يبعد مرته
صدري ولا له غير صدري مراويح
يتوسد انفاسي وحيلي يهده
راعي محل الله يحلله ويبيح

من قال عينك غورقت مستعده
أي والله إني زاهب ونفسي اصيح
ما ودي إلا تلمس القلب يده
يقرا علي بسم آمر البرق والريح