حبي إلك بالفطرة
حب مستحيل أتفسره
أنا الغرامك أنتمي
تقريباً إنت في دمي
يا بو الحضارة الكبرى

منك صعب أتبره
قلبي نذراك عمره
حبي إلك ما ينتهي
يشبه وجه بغداد وقت القمره

يا جنة الغرام
تضل دار السلام
بنهرك وبرك والسما
بكل شي نحبك موت

عشق ماله حدود
بالروح الك وجود
كل ذره بترابك وطن
طبعا نحبك موت

يا شموخك يا جمالك
إحنه عشنا من خلالك
إنت بالروح

إنت تاريخ وحضارة
وطن يصعب اختصاره
ساكن الروح

ويبقى أسمك بالقلب إلى الأبد
وراح نبقى ع الوعد
شقد صبرنا وعادي عدنه نصبر بحبك بعد

إنت جميل هوايه
وعايش هواك ويايه
بالروح تاركلي أثر
مثل النقش على الحجر
إنت الهدف والغاية

ومرات يتهيئلي
كنك تعيش بعقلي
ويايه أشيلك بالسفر
ووقت الظلام تكون إلي ضوايه

أول حبيب إلي
بي قلبي ممتلي
يا بعد ناسي وكل هلي
حقنا نحبك موت

يا صانع الحروف
يا كاسر الظروف
فدوه أروح لهلوطن
كلنه نحبك مووت

حتى لو مرتنه أزمة
يبقى أسمك أحلى كلمة
وحبك يزيد

يا أبونا وكل حياتك
لامنه جوه عباتك
شوفتك عيد

ويبقى أسمك بالقلب إلى الأبد
وراح نبقى ع الوعد
شقد صبرنا وعادي عدنه نصبر بحبك بعد