جيت المدينة داخلي طفلٍ عسى الله يصلحه
طفل بدوي ولد بدوي طيب ولكنه عنيد

جيت المدينة وفي يدي طيب البداوة ومسبحه
جيت أشوفك يالحضارة جيت أدور للجديد

طفلٍ يعيش بداخلي وكل كلمه تجرحه
يهدي سبايك من ذهب والناس تهدي له حديد

كل دمعه تجرحه وكل بسمه تفرحه
جيت أدور للفرح وما شعرت إني سعيد

لو تون وتشتكي الدمع محدٍ يمسحه
الناس واجد بالمدينة وأقرب العالم بعيد

ما في المدينة أي شي قلت يمكن أمدحه
وعجزت يا دروب المدينة وأحتار وياي القصيد

الوضع يا قلبي صعيب والحال مقدر أشرحه
أريد وإنت ما تريد والله يفعل ما يريد

محدٍ ضحك لي في المدينة إلا ويبغا مصلحه
فقيرها ماله سند وصار الردي عمٍ وسيد

رجعتي لك يالمدينة موضوع توبه وأفتحه
خلاص يا قلبي خلاص لا تزيد ولا تعيد

سلام لك يا قريتي يا طيف دايم ألمحه
يا قريةٍ بقصى الجنوب أحرار ما فيها عبيد