هذا حبيبي وهذا اللي تمنيته
ما غيره أحد ملا قلبي وعيني
هذا الذي بين كل الناس حبيته
أغليه وأدري كثر ما أغليه يغليني

أعطاني الحب كل الحب وأعطيته
بيديه قلبي وقلبه صار بيديني
يذوب شوق ووله لا غبت ما جيته
وإن غاب شفت الشقا والهم يطويني

حبيبي اللي بوسط العين حطيته
أموت في نظرته ويموت هو فيني
ما همني يزعلون الناس لا رضيته
دامه حبيبي بهالدنيا يكفيني

هذا على كل الناس بديته
هذا قمر عمري اللي نور سنيني
هذا هو اللي تمنيت وترجيته
الله يديم المحبة بينه وبيني