الليل كم نجم يحاول يضويه
ويخفي ضياه الصيح لا أشرق نهاره
قولوا لمسا الليلة يبشر لياليه
ف اللحظة اللي جت من بعيد ساره

نور من أول حسنها لين تاليه
كنّ القمر ظبي شرد من مداره
طلي مادام إن القمر عند طاريه
النور هذا يستحق انتظاره

من له مثل حسنك تبختر من التيه
وإنتي حياك يزيد حسنك جداره
ساره لو نقول القصيد ونغنيه
الشعر ذكر إسمك يرد إعتباره

يا بنت من لا حل ذكره وطاريه
كفو ونغم هلت عليه بغزاره
محمد من اللي ما يحبه ويغليه
حتى الفخر في ابوك زاد افتخاره

مدي يدك للي لك الله معطيه
اللي تقدم لك بطيب وجساره
محمد جمع عمره على راحة إيديه
واختارك إنتي ما سواك اختياره

هذا ولد فيصل يطيب الشعر فيه
سليل مجد ما تغير مساره
يا ليل نورك سمه اللي تسميه
حنا نعرف إسمه محمد وساره