أنا الملك بالحب والذوق والصد
وأنا الحليم اللي على الجرح صبار
عند الوله مالي محاذير أو حد
ومن صدني قفيت وأهديته أزهار

وحدي بحزني مالي وصفٍ ولا ند
وأفراحي تعرفني أنا أبنها البار
حنون ومن طبعي ولا أبيح السد
واللي ظلمني عنه أنا أقدم أعذار

أحلم وأنا نايم بعصفور غرد
كنه يناجيني على جاله أنهار
وأفز أنادي بس هالحلم ما رد
أحلامي ألقاها كتابات جدران

حزني من اللي شاف من روعته شد
قال إنت أحزن مني وش باقي ما صار
قلت انتظر ما شفت دمعي على الخد
قال إلا بمشي عل اللقاء لي ديار

هذي حياتي حلم تتنفس الورد
وأحيان هي إعصار في جوف إعصار
بس الملك لا دارت وحصحص الجد
يبقى ملك والغير يا دوب تذكار