معرفش حد بالإسم ده
أنا اللي تاه عقله ولقاه
معرفش حد بالإسم ده
موهوم بقى وربك هداه
هاعتبره وقت فراغ وفات
أو حد أنا إتسليت معاه

قولوا له مخرجتش يعني من الجنة
مسابليش حاجة تتشال من اللي كان بينا
مسابليش حاجة هاتخليني أستناه
بقى الأولى أكيد أنساه

أنا همشي وأبعد من سكات
أنا حر ودا ما إسموش هروب
دا مشافش أي مميزات
بالعكس حولها لعيوب
جايز دا كان سوء إختيار
جايز دا كان تكفير ذنوب

قولوا له مخرجتش يعني من الجنة
مسابليش حاجة تتشال من اللي كان بينا
مسابليش حاجة هاتخليني أستناه
بقى الأولى أكيد أنساه