مش مليونير ولا عندي فيه دفتر شيكات
ولا بيت كبير مليان تحف على أنتيكات
ولا تابلوهات متعلقين فوق الحيطان
ولا فيه ساعات ماركات ولا هدوم سينيهات

إنسان بسيط جداً كمان لما تشوفيه
ممكن ما يلفتش إنتباهك حاجة فيه
ممكن يجوز بالوقت لما هتعرفيه
تلاقيه ما كانوش ذكريات

بسيط إنسان بسيط
ده ولا في إيديه ولا حيلته غير كلمة يا ريت
فكان عشمان كمان
يلقى له فيكي وبيكي عيلة وناس وبيت

ما وعدتكيش سنة عن سنة نغير موديل
ولا في الإجازة نسيب أوتيل ونروح أوتيل
ولا كل ليل نسهر هنا وهناك عشان
ما أقدرش أبان فارس وأنا مش لاقي خيل

أنا حد من شيل الهموم بيبان عجوز
ولا لي معارف أو في يوم كان له نفوذ
فأنا لو خسرتك عادي
ما أنا بخسر كتير
وإن فزت بيكي هتبقى
أول مرة أفوز

بسيط إنسان بسيط
ده ولا في إيديه ولا حيلته غير كلمة يا ريت
فكان عشمان كمان
يلقى له فيكي وبيكي عيلة وناس وبيت