سبحان من خلاك تثقل على اللي
علمك كيف الناس تثقل على الناس
أول وهو يسقيك كاس التغلي
واليوم هو يشرب من يدينك الكاس

ياللي على عرش الخفوق متعلي
دارت عليك وصاحوا الناس لا باس
أول تحسب الشوق لعب وتسلي
واليوم كنك تضرب أخماس بأسداس

تعال يا اللي ضيع الدرب قل لي
حسيت وإلا إنك بعد فاقد إحساس
ترى الحياة ليا خذت ما تخلي
وآعزتي لمضيع الدرب عساس

اللي حصل لك صدق إنه حصل لي
كني أشوفك تايه بزحمة الناس
وإن كان عودنا على طير ياللي
بعض المفارق يالغلا يرفع الراس