بصراحة لو عندك نية
تيجي ليّا تتعرف بيا
أنا واحدة عادية
رايحة مع الدنيا وجاية
بني آدمة ليّا وعليا
أنا مش مثالية

بصراحة حاسة معاك إني
شايفة أنا فيك حاجة مني
وحاجة منك فيّا

متفائلة إن أبقى أنا
اللي إنت بتحلم تلاقيها
بطيبتها وبراءتها بطبيعتها فيها وفيها
هتلاقي فيّا حاجة حلوة أنا أتحب عليها
وعيوبي اللي شايفها في حبّك
ليّا تحليها

بأقل كلمة أنا بتضايق
ولكني برجع بدقايق
وأتراضى بسرعة
أنا أصلي من جوايا طفلة
وساعات كتيرة بكون عاقلة
وساعات مندفعة

تفهمني غلط أما تشوفني
بس إنت بعد ما تعرفني
تلاقيني متواضعة

متفائلة إن أبقى أنا
اللي إنت بتحلم تلاقيها
بطيبتها وبراءتها بطبيعتها فيها وفيها
هتلاقي فيّا حاجة حلوة أنا أتحب عليها
وعيوبي اللي شايفها في حبّك
ليّا تحليها