تسمحلي أقدم نفسي ليك من غير زواق
من غير غموض
من غير مبالغة أو إدعاء
أنا ممكن أبقى فرحة على صورة لقا
أو صدمة مش محتملة على صورة فراق
ده مش إنفصام شخصية
دي مزايا وعيوب
فيا ريت تشوفني صح وأنا قدام عينيك
لو ناوي خير هدخل عشان خاطرك حروب
مش ناوي يبقى طبيعي هتمرد عليك

أنا بإختصار وفي كلمتين
أنا سكتين
حلم وكابوس
ضحك ودموع
جنة وجحيم
خليك بقى معايا في السليم
أنا نقطتين
وأقرب مسافة ليا خط مستقيم

تسمحلي بس أعرف سوا رايحين لفين
ناوي نبقى عشرة ولا معرفة يومين
عشان بناء ع إللي جواك ناحيتي
هتشوف معاك شخصية من الشخصيتين

أنا بإختصار وفي كلمتين
أنا سكتين
حلم وكابوس
ضحك ودموع
جنة وجحيم
خليك بقى معايا في السليم
أنا نقطتين
وأقرب مسافة ليا خط مستقيم