مابي وداعك أبيك تكون لي دايم
وفي نفسنا نعيش ما نلهى مع الباقي
أبيك حظ على طول العمر قايم
تهنى لياليه لا من فاضت أشواقي

قطعت كل البحور وجيت لك عايم
ومن طبعي اعيش ما اكشف عن اوراقي
إلا إنت يالي بكل شعور لك هايم
تعال شف صورتك في داخل احداقي

أبيع غيرك وصلك له أنا السايم
أي والله إنك غلاي وساكن اعماقي
كنت اتمناك بأحلامي وأنا نايم
والحين ربّي جعلك من أول ارزاقي

ما للمشاعر تجاهك بالعمر لايم
ولاني مع الناس ل اشباهك بعد لاقي
أبيك لا ضاقت أوقاتي معي دايم
ونعيش عمر مانلهى به مع الباقي