فرق السما والأرض بينك وبينه
عشقت أنا فيك الزين والشين
بذمتك وش جاب عينك لعينه
ما يوصلك حتى ولو حاول سنين

مجنون فيك وقلبي الله يعينه
على الدلع والصد يا كامل الزين
طبعي عنيد وكل البشر عارفينه
إلا معاك إنت لك اخضع والين

سكنت قلبي وصرت نبضه وحنينه
شوفك دوا يروي لي الروح والعين
إنت الوحيد ان غبت أقول وينه
وأشتاق لك وأحتاج لك في كل حين

أحبك والوقت قربك يازينه
يا واحدٍ يفدونه كل المزايين
سويت لك في وسط عيني مدينه
ولك بالحشا أمطار خير وبساتين

فرق السما والأرض بينك وبينه
عشقت أنا فيك الزين والشين
بذمتك وش جاب عينك لعينه
ما يوصلك حتى ولو حاول سنين