مين قال لك إني في البعد مرتاح
كذاب خذ مني العلوم الأكيدة
مهموم طول الوقت والحال يا صاح
كل يوم في ناقص ولا شي بيده

لا جيت هم القلب والروح ينزاح
وتعود لأحلام الليالي السعيدة
نفسي تجي ونعوض العمر لي راح
وتبدى معي في الحب رحلة جديدة

مجروح لك مشتاق والشوق فضاح
والقلب ما به غير كلمة وحيدة
كلمة أحبك عطرها من زمن فاح
والنفس غيرك ترفضه ما تريده

مطعون قلبي في الهوى كله جراح
دواه عندك عالجه لا تزيده
طعنات ماهي من سكاكين ورماح
من سيف حبّك من مسافة بعيدة