على باب المطار ودعته بالتحية
وفي صالة الانتظار عنيه بصت عليه
لقيت في عينيه سؤال
كان السؤال بيقول
أنا معدي الحدود
وبعد سنين هعود
يا هل ترى
الأيام هتنسيكي العهود

هتغيب سنة واتنين
أو حتى تغيب سنين
الدبلة اللي في إيديا
هتحوش عني العنين
وضميري وإحساساتي
هيكونوا معاك يوماتي
لو حتى روحت فين

روح سافر بالسلامة
وارجعلي بالسلامة
تلاقيني في انتظارك
مع أجمل ابتسامة
ورفعت إيديا أشاور
وأودع الأحباب
مع صوت المضيفة
بتنادي ع الركاب