عجزت من كثر ما أشرحلك
عن حالي وشوقي الطاري
وش عاد ترجيه وأفتح لك
قلبي وكل البشر خاري

تخطي خطا دوم وأسمح لك
وأتجاهل خطاك وأداري

عزمي ضعف لك ومرح لك
وأصبحت تآمر وتختاري
أعوم لأمواج وأسبح لك
وأتعرض أهوال وأخطاري

كل المشاعر تلمح لك
كنك ذهب من لهب واري

ممدوح ممدوح وأمدح لك
حسنك وفي حسنك إتماري
أعيون وأهداب تطرح لك
الطير لي فالسما ساري

ولي ذايق الشهد من نحلك
بيذوق طعم العسل شاري