طريقي ولازم أمشي فيه
مفروض عليّا ومفروضة عليه
لا أنا قادرة إني منه أرجع
ولا عارفة حتى نهايته إيه

يهزمني هو مرة
وأبكيله وأقوله ليه؟
وفي وسط بكايا أبتسمله
وأبصله وأضحك عليه
إيه اللي عايزه مني؟
وأنا عايزة منه إيه؟
في حلقة مفقودة وما بينا صراع
يا ليّا يا إما ليه
طريقي

هحلم وحلمي مصدقاه
وإن راح لفين هفضل وراه
وإن جيتي يا دنيا عليّا مرة
طريقي برضه مكملاه

يهزمني هو مرة
وأبكيله وأقوله ليه؟ ليه؟
في وسط بكايا أبتسمله
وأبصله وأضحك عليه
إيه اللي عايزه مني؟
وأنا عايزة منه إيه؟
في حلقة مفقودة وما بينا صراع
يا ليّا يا إما ليه
طريقي