سافر في إرتفاع الصواري
وأنا شرعك أداري
عنك ريح الزمان
أرجع لي بحبك تراني
مثل صدر المواني
للمراكب أمان

عمري لك إذا طال عمري
أحترق لك وأضوي
في ظلامك نهار
صبري لك إذا طال صبري
أنطرك طول عمري
وأستوي لك ديار

يا فرحي إذا بعد غيبه
ألتقينا بضحكه
وأبتدينا الرحيل
خطوه نبتعد بالمراكب
عن حبال المواني
للسفر في النخيل

يا فرحي إذا بعد غيبه
ألتقينا بضحكه
وأبتدينا الرحيل
خطوه نبتعد بالمراكب
عن حبال المواني
للسفر في النخيل

غابت فرحتي عن عيوني
من بعادك حبيبي
والأمل والوعود
سافر لو تسافر بترجع
مثل شوقي اللي ودع
شمس لازم تعود

يا غايب إذا ضاق صدرك
والدروب أنتهت بك
في مكانٍ غريب
أصرخ بالزمن وأنا أسمع
صرختك في فؤادي
حسها لي قريب

صدري والأمل والجزيرة
يحلمونك تجيهم
حتى طيف وخيال
أرجع تلقى كل السواحل
في بلادك تغني
يا حبيبي تعال