كبر حبك على صدري وغرد
وأنا في الشوق مثل العود ورد
آسف أشكي آسف أبكي ولا رد
من اللي في الهوى رميه رماني

علامك يا بعد روحي علامك
تطفيني وتشعلني بغرامك
أنا لو شمعة يحرقها ظلامك
مسيري ينتهي أول زماني

أنا منك حبيبي وإنت مني
إذا تقبل أحس الروح تدنى
وإذا تبعد عدد لحظات عني
احس إني غريب في مكاني

حبيبي إنت في عيوني نظرها
وإنت الريح في صدري سفرها
أخاف ريح الصبا تنسى وطرها
ولا أعيش الهوى حتى ثواني