خيانة وانتهت آخر سوالف عشقي المجنون
في ليلة حلمي الوردي تحطم في نهايتها
في ذيك الليلة كان أهون عليّا أحيا بدون عيون
ولا أشوف اللي شفته من حبيبة قلبي ساعتها

بعيني شفتها وياه تضحك له وهو مفتون
سعادتها في قربه تشبه في قربي سعادتها
بعيني شفتها معاه هو حكي وأشي وخيال ظنون
بعيني ليت عيني عمرها ما يوم حبتها

وقفت لسان حالي يقول ليه ومن متى وشلون
عسى يلقى سبب واحد يبرر لي خيانتها
أنا ما كان عندي شك ولو واحد بالمليون
في صدق اللي تقوله عن غلاي وعن محبتها

خيانتها عطت حجة لكل اللي يبي يخونون
ومن هالليلة كل خاين بيتعذر بقصتها
ما دام أوفى البشر خانك حرام الباقي ينلامون
وكلمات الوفاء لا عاد أحد يطري لي سيرتها