حبك معي مشوار وأمشيه بحذر
مثل سراب البيد خداع للنظر
لا ظل في قربه وعنده أستريح
لا البعد طاير لأشواقي مقر

قربك ضما وبعدك عن عيني ضما
أشقيتني في حب مقدر أفهمه
يا زارع أشواقي فنجوم السما
ألغاز حبك فوق إدراك البشر

المشكلة مالي عن حبك غنى
وين ألتجي قولي يا عمري أنا
كيف الهرب كيف من هذا الضنى
أحكمتني في قيد ما منه مفر

ما للرجا طايل شسوي معك
أتبع هوى روحي ولّا أتبعك
يلي صدى صمتي فيني طمعك
مر العتب وياك وسكوتي أمر