الله خذا من كل زين وعطاها
لا شفتها ما يمكن تقول بس لو
الناس تكبر ويتغير حلاها
بس هي غير الناس تكبر وتحلو

تدري بكل الناس ذابت معاها
وهي كأنها تقول عادي تسلوا
من حولها يمشون ولّا وراها
ولا كأنهم راحوا ولا كأنهم جاوا

من شافها لو تطلبه شي جاها
اللي تبيه هي تأمر وتقول له سو
تحبها تهيم غصب بهواها
ولو غيرها موجود هي تاكل الجو

يكسف سنا نور القمر من سناها
وتضيع ما تدري القمر هي أو هو
أنا أشهد إن اللي عطاها عطاها
من صغرها زينة وتكبر وتحلو