شدني وصفاً على العود المدلع
بين بطرة خصره وفن إعتزاله
بين عتمة ليله ونوراً مولع
إندهاش العين والعقل وخباله

ضيع العقال والناس المقلع
عوده الميال غرمو من مياله
كم من مزيون في فكرة تطلع
يوصل وصوفه ولكن م المحاله

قلبي اللي في رضا شوقه مهلع
ما تمنى مفارقه ولا الله قاله
لو ليالي الوصل دون الوصل ضلع
أوسم الضالع وعيني في خياله

حبه الي من سويدا القلب جلع
كل حبٍ منبني قبله أزاله
كل بيبان القلب لأجله تخلع
لين يجلس في وسط عرشه لحاله

سجلوني في المحبة به مولع
وغير حبه ما فتحه قلبي مجاله