إذا حبك بلى روحي هلا بالعشق والبلوى
اجوع لشوفة عيونك ولا إنت بقادر إشباعي
ما أقول إن العمر من دون وصلك صار ما يسوى
أقول إن الحياه بكبرها ما لأمها داعي

أبيك وأعشقك وأشتاق وأغار بشغف وأهوى
محطات الغرام وكل لقيا هزة أضلاعي
عليه بالحرام إني بغيت أموت بس اشوى
حيت روحي على وصلك وبعدك زانت أوضاعي

تذكرني الأماكن فيك وأشتاقك ولا أقوى
كلامك مفرداتك أثرت فيني وف طباعي
تغانمني وخذني ضاميٍ للوصل ما يروى
تكلم يا بعد كل العرب وأطرب لي أسماعي