دايم نظن إنا تفهمنا الحياه
وكل يوم يزيد اللي نجهله
كيف نوصل للنهاية في طريق
دون ما نعرف حقيقة أوله

كم سؤال يروح ويجينا سؤال
ويا ترى منهو يجيب الأسئلة

يا بدايات أتكرر كل حين
والنهاية واحده عند الختام
عمرنا ضايع ومحنا عارفين
مر يوم أو مر علينا ألف عام

والسنين اللي تجي عقب السنين
تايه ما بين شكوى أو ملام

منتهانا والبداية أسئلة
والإجابة تتكلم من بعيد
كم تعذبنا من اللي نجهله
والحقيقة واضحة للي يريد

والطريق اللي جهلنا أوله
في ختامه نفهم أبيات القصيد