الاحتياج وحش
والذكريات أشباح معششه في نفوخنا
خايفين نحب جديد وملصمين شروخنا
لفينا ساقيتك يا حب لغاية لمّا دوخنا
داخلين بحاجه ساقعة
خارجين بعلقه سخنه

الناس أوبن بوفيه
عايز تلم منه لم
في صنف يكون زي العسل
وصنف تانى يسم
الرك على النقاوه
كل أما أقول فرجت خلاص
هتهنى وهستجم
أخد حتّة شالوت في وشي
ما بقولش بم
بمنتهى الغباوة

الاحتياج وحش
إرحمني يا إحتياجي
مش كل مرة تنده أتشك في قلبي وأجي
إنت بتحفرلي الحفرة وبقع فيها بمزاجي
لا عملت حساب طلوعي
ولا حتى حساب علاجي

قلبك مربوط في ساقية ومتغمي وعمال يلف
لازم النهاية تبقى جرح وما بيرضاش يخف
لازمله حدث درامي
الوحده خانقه بتجبر الواحد يروح يحب
فيروح الحب نازل فوق دماغه دب دب
كأنه مسك حرامي

الناس أوبن بوفيه
عايز تلم منه لم
في صنف يكون زي العسل
وصنف تانى يسم
الرك على النقاوه
كل أما أقول فرجت خلاص
هتهنى وهستجم
أخد حتّة شالوت في وشي
ما بقولش بم
بمنتهى الغباوة