يا طول صبري من الهجران يا خلي
والروح مني ومن همٍ يكابدها
إنت الهوى وكل الكل بالكلي
وإنت الذي بالهوى روحي تعذبها

يا خل غيرك على الدنيا أنا من لي
يا كيف دايم تصديني متاعبها
مضمون حبك على الخفرات متعلي
يامل وحوش الخلا تطرد مقاودها

أرحم صويبٍ براه الشوق معتلي
وجروح راعي الهوى عيت طبايبها
دعواي دعواك دعواً مالها حلي
لي طلبة لو بعد مرة تنفذها

لو بس شوفك بعض الأيام يحصلي
يزول همٍ على نفس يراودها
كن بأعيانك سهام الموت ينسلي
وخيول جيشك تهددني ركايبها

إن كان يا زين هذا الحال راضٍ لي
حذراك الأيام ما تصفو مشاربها
الخد نوره بداج الليل مشعلي
يسنى على دار بعد به قرايبها

والعين عين أشقر للصيد متخلي
وأنا الذي صرت في مدمات صايدها
ألا وخساره حسايف ما مضى علي
أتعبت الاقدام ع الفاضي عمايدها