إلهي جل من أبدع بك وسواك
جمالك ملحك وطبعك وأسلوبك
خلق بك جاذبيه للبشر تهواك
تمشي كل خلق الله على دروبك

أحبك بالغضب وأكثر أحب رضاك
وأحبك وإنت لي راجع من هروبك
وأحبك كثر مالعالم معي تبغاك
وأحبك كثر ما أتوبك ولا أتوبك

عشانك كل شي بدنيتي يفداك
فداك الروح لو هي الروح مطلوبك
بزولك هيبة تعكس على محياك
بنظراتك أنا المهزوم بحروبك

رسمك الله لنا لوحه تفضل هاك
خلقك الله لنا فتنه بعذروبك
ولا مثلك ولا غيرك أحد يسواك
خلقك الله جميل حتى بعيوبك