إسمك الرحمن الرحيم
تجوز الرحمه ع المقهور
وعاللي في خنقتو محبوس
وعشان إسمك الجبار
يارب اجبرني أنا في كابوس

كتبت الرحمة على ذاتك
واسمك وحده بركه ونور
وأنا فروحي الأمل ظالم
وعالمفقود سنين مكسور

أنا التايه في سكك الحزن
غيثني بإسمك الهادي
أنا اللي الدنيا عاندتني
ببانها مقفله قصادي

يا عالم باللي متكسر
في روحي إنجدني ضعفي داويه
أنا عايش بروح فارقتني
وإنت الحي قلبي أحييه