أنادي من سكن بأقصى فؤادي
على منهو نفس روحي وزادي
على منهو حرم عيني رقادي
أنا أهواه

يزور العين طيفه ثم أضمه
وأحس إن الهوى عطره وأشمه
وأحبه أكثر عن حب أمه
أنا أهواه

صحيح إن الزمن فرق حبايب
وأنا رجواي في إنسان غايب
معه قلبي بصدق الحب ذايب
أنا أهواه

أنا وياه والذكرى الجميلة
خليلٍ ما نسى عشرة خليله
أنا أنسى الناس وأتركهم وأجيله
أنا أهواه

ألا يا سائليني عن غرامي
أنا ظامي لشوفه حيل ظامي
أنا أهواه ويكفيكم هيامي
أنا أهواه