أنا من قبل أعرفك كان لي خلان
أوفاهم غدر بي فوق غدره خان
عرفني الألم عرفني الأحزان
عشت سنين ظلما ما وصلها نور

أجمع جراحه وخاطري مكسور
أتحمل خطاهم كن فيني قصور
داير وين ما دار الزمان أدور
يرميني عجاج البر للطوفان

بالأول ظلمتك ما قريتك زين
سِئت الظن بك غالطت شوف العين
عكر طيبتي ريبه أبو وجهين
شككني بنفسي وكل مخلق كان

فاجأني حنانك ما فهمته خفت
أجزع يا صدوق الود منك إنت
أندم كيف صديتك للحظة وإنت
أول شخص ألمس داخله إنسان