لا تشك في زود الغلا إنت بالذات
تركت داري وكل أهلي وجيتك
لا ما أمنعتني أرض عنك وسماوات
رغم الظروف تلقى خفوقي في بيتك

لو طوقوا جوي ليالي طويلات
لا أقطع بحوري والصحاري لعينك
ما همني حرب مع دروب عسرات
وحتى هلاكي يهون لا من لقيتك

حبّي وحبك ما ترده مسافات
يا عايش بروحي وبالي لزيمك
ما أرتاح دونك ولا وقفت بمحطات
هي راحتي عندك لأني هويتك

طيفك اشوفه في جميع المسارات
اخذه في عيني و بقلبي خذيتك
لمّا اصافح عطر يدك ب لهفات
أبيع عمري بس لأني شريتك

دارك اهي داري وشوفك مسرات
وكل الهنا شوفك على ما بغيتك
تستاهل العنوة ملايين مرات
وبطيب خاطر لو ما تطلب فديتك