أنا مش وحشة
أنا ست الناس
اللي إنته عرفتها في حياتك
ومعاها عرفت نجاحك ده وإثبات ذاتك

أنا أجمل قصة
إتكتبت في تاريخ حكاياتك
أنا كنت الشمس
اللي منورة ليل غلطاتك
أنا كنت الفرصة
اللي إنته سنين إتمنيتها

الحاجة الحلوة في رحلة عمر إنته مشيتها
مش مرحلة سهل تقول إنك يوم عديتها
وأنا أكتر واحدة هتندم إنك حبيتها

إنته إيه زعلان يا حرام
لأ صعبت عليا حرام
بيقولولي إنك ندمان
يا حرام يا حرام
شكلك إتغير يا حرام
إنته مش بتنام يا حرام
حتى لون وشك بهتان
يا حرام يا حرام

أنا مش وحشة
أنا طاقة القدر
اللي إنته حلمت كتير بيها
أنا سكة خير
كان نفسك يوم تجري عليها
ياما إترجيت علشان تعرف إيه يرضيها
واللي هتفضل عمرك كله بتحلف بيها

أنا راسي لفوق في السما
زي النجمة بعيدة
سهل تعديك وتكون بعدك واحدة جديدة
وتقولك عادي إتشرفنا
وفرصة سعيدة
يا حرام
أنا عارفة إن الصدمة بجد شديدة

إنته إيه زعلان يا حرام
لأ صعبت عليا حرام
بيقولولي إنك ندمان
يا حرام يا حرام
شكلك إتغير يا حرام
إنته مش بتنام يا حرام
حتى لون وشك بهتان
يا حرام يا حرام