أيها المواطن السعيد
يا اللي فرحان بالحب الجديد
واللي كان معايا برضه
مبسوط بالحكاية
وأما جيت إحتاجته جنبي كان بعيد

أيها المواطن الشجاع
اللي وقت الجد خان وباع
روح عيش ده كله تاني
خون وبيع وكون أناني
بس آخرة كل ده هتكون ضياع

نحيطكم علماً بأنك مت في نظري
وإن معاك ضاع عمري
وإن حياتي وأنا جنبك كانت معاناة

نحيطكم علماً بأنك مش سعيد
وتدعي الفرحة في حبك من جديد
كبيرها يومين والفرحة دي تقلب مأساة

أيها المواطن الحنون
اللي حبي ليه إتشاف جنون
خسرت عليك رهاني
كنت عملت إيه عشاني
غير وجع قلب وقسوة وتخييب ظنون

نحيطكم علماً بأنك مت في نظري
وإن معاك ضاع عمري
وإن حياتي وأنا جنبك كانت معاناة

نحيطكم علماً بأنك مش سعيد
وتدعي الفرحة في حبك من جديد
كبيرها يومين والفرحة دي تقلب مأساة

أيها المواطن العنيد
بالشكل ده هتعيش وتموت وحيد
يا اللي في الخيانة ليك
مكان وليك مكانة
بكرة تتوجع وبكرة مش بعيد